३ केजी ७४५ ग्राम सुन जस्तो देखिने पहेंलो रङको धातु सहित विमानस्थलबाट चार जना पक्राउ

---

काठमाडौं, १५ फागुन ।
त्रिभुवन अन्तर्राष्ट्रिय विमानस्थलबाट प्रहरीले ३ केजी ७४५ ग्राम सुन जस्तो देखिने पहेंलो रङको धातु सहित ४ जना उज्वेकिस्तानका नागरिकलाई पक्राउ गरेको छ ।
गएराति दुबईबाट फ्लाइ दुवईको उडानमार्फत आएका ३ महिला र एक जना पुरुषलाई मलद्वारमा लुकाएर छिपाइ ल्याएको अवस्थामा प्रहरीले ३ किलो ७४५ ग्राम सो धातु बरामद गरेको हो।

पक्राउ पर्नेमा बर्ष ४९ की फेजिभा साउदत, बर्ष ४८ की अख्मेदोभा उमेदा, बर्ष ५४ कि मारिफालिभा दिलफुजा र बर्ष ४१ को तुरसुनोभ सारदोर रहेका छन् । घटनाबारे थप अनुसन्धानको लागी त्रिभुवन अन्तर्राष्ट्रिय विमानस्थल भन्सार कार्यालय सिनामंगलमा बुझाइएको छ ।