नारायणगढ–मुग्लिन सडक अझै अवरुद्ध, खुल्न दिनभर लाग्ने

---

चितवन, १७ असार
नारायणगढ–मुग्लिन सडक पुनः दुइतर्फी रुपमा अवरुद्ध भएको छ । चितवनको इच्छाकामना गाउँपालिका–५ स्थित तीन नम्बर पुलमा गएराति ११ बजेदेखि पहिरो खसेपछि सडक दुईतर्फी अवरुद्ध बनेको हो ।

अवरुद्ध सडकमा अहिले पहिरो पन्छाउने तयारी भइरहेको प्रहरीले जानकारी दिएको छ । पटक पटक सडक अवरुद्ध हुन थालेपछि पहिरो हटाउन उपकरण तयारी अवस्था राखिएको छ । सोही स्थानमा गत बिहीबारदेखि पटक–पटक पहिरो खस्दा सडक अवरुद्ध हुँदै आएको छ । यो सडक हुँदै दैनिक औसतमा १० हजार सवारीसाधन आउजाउ गर्ने गर्दछन् । पटक–पटक सडक बन्द हुँदा पूर्व र पश्चिम हुँदै काठमाडौं ओहोरदोहोर गर्ने यात्रु बढी मर्कामा परेका छन् .तस्वीर साभार ः वसन्त ढुगांना फेसबुकवाल