बसन्तको `बखान´ माथि आँपटारीमा चर्चा

---

चितवन: नेपाल पत्रकार महासंघ चितवनका अध्यक्ष  बसन्त पराजुलीद्धारा लिखित उपन्यास बखान माथि  शुक्रवार भरतपुरको आँपटारीमा समीक्षा कार्यक्रम सम्पन्न भयो ।
विशेषत विद्यार्थिहरुलाई लक्षित गरि  आयोजना गरिएको सो कार्यक्रमका वक्ताहरुले बखान उपन्यास   इतिहाँसको साक्षि भएको बताए ।
नेपाली लेखक संघ चितवनले आयोजना गरेको पाठक संग लेखक कार्यक्रममा बोल्ने बक्ताहरुले  उपन्यासले चितवनको  पुरानो समाज  प्रस्तुत गरेको कुरामा जोडदिए ।

स्मल हेभन स्कूलका  विद्यार्थी  असिम शिलवालले  कृति माथि समीक्षा गर्दै  उपन्यासले सहकारी अभियान्ता एवं समाज सुधारक बखानसिह गुरुङको जिवनी  उपन्यासमा पढ्न पाईएको बताउनुभयो ।
” चितवनको  इतिहाँस झल्काउन यो पुस्तक सफल भएको छ” , उनले भने ।

कार्यक्रममा बोल्दै विद्यार्थी बिनिसा दवाडीले बखान पुस्तक  बखान सिंह गुरुङ्को जीवनी  मात्रै नभएर चितवनको  वस्ति बिकासको रुपरेखा देखाउने दस्तावेज भएको बताईन् ।
“उपन्यासले चितवनको ईतिहास बोल्छ । समाज बोल्छ”,उनले भनिन ।
साहित्यकार सुरेन्द्र अस्तफलले चितवनको बस्ति बिकास देखि सहकारी यात्राको बिषयमा यस पुस्तकले समेटेको बताए ।  उनले भने  “यस पुस्तकले चितवनको इतिहाँस समेटेको छ ।” चितवनमा बस्ति बिकास संगै नेपालमा बि. सं. २००७ साल देखि बि. सं. २०४० साल सम्मका आन्दोलन र भएका उपलव्धिका बिषयलाई समेर्टीको उनले जनाए ।
सो अबसरमा पत्रकार सरिता पौडेलले चितवनका लागि यो कृति एतिहाँसिक कृति भएको बताईन् ।

सो अबसरमा स्मल  हेभन स्कूलका  प्रध्यानाध्यापक बिमल क्षेत्रीले   पुस्तकलाई स्थानीय पाठ्यक्रममा समावेश गरेर चितवनको बारेमा बिद्यार्थी वर्गमा समेत ज्ञान दिन आबश्यक रहेको बताए ।
नेपाली लेखक संघकी अध्यक्ष शान्ति शर्माले चितवनको बारेमा गरिएको अध्ययनका कारण यो उपन्यास सार्थक भएको बताईन् । यस पुस्तकले साधारण बिषयबस्तुलाई समेत गहन तवरले व्याख्य गरिएको उनले बताईन ।
कार्यक्रममा लेखक पराजुलीलले यो पुस्तक चितवनको इतिहाँस भएको बताए   ।

उनले कक्षा १० देखि  कक्षा १२ सम्म  नेपाली र अग्रेजी विषयमा  परिक्षामा समेत कृति समीक्षा आउने हुदा विद्यार्थीहरुलाई  यसमा यस्ता कर्यक्रमले सहज हुने बताए ।