नेपाली काँग्रेस भरतपुर ७ ले गर्याे सहिद दिवसको अवसरको रक्तदान

---

चितवन, १६ माघ ।
नेपाली कांग्रेस भरतपुर ७ ले सहिद दिवसको अवसर पारेर बुधबार रक्तदान कार्यक्रम सम्पन्न गरेको छ ।

नेपाली काँग्रेसले केन्द्रलाई टोल टोलसम्म जोड्ने अभियान अन्तर्गत सुरुवात गरेको १०० दिने अभियान अन्तर्गत कार्यक्रम आयोजना गरिएको हो । कार्यक्रम भरतपुर ७ वि पी कोईराला क्यान्सर अस्पताल १ नम्वर गेटमा कार्यक्रम सम्पन्न गरिएको कार्यक्रममा अतिथि, स्थानीयवासी तथा विभिन्न व्यापारीक संस्थाका प्रतिनिधि सहित ५४ जनाले रक्तदान गरेका छन् ।

नेपाली काँग्रेस भरतपुर ७ का सभापति विनोद ढकालको अध्यक्षता तथा बागमती प्रदेश संस्कृति पर्यटन तथा सहकारी मन्त्री मधुकुमार श्रेष्ठको प्रमुख आतिथ्यतामा कार्यक्रम सम्पन्न भएको हो ।

कार्यक्रममा वोल्दै मन्त्री श्रेष्ठले नेपाली काँग्रेसले सुरुवात गरेको सय दिने अभियानको प्रशंसा गर्नुभयो । सहिद दिवसको अवसरमा गरिएको मानवीय सेवाको कामले सहिदहरुप्रति सच्चा श्रद्धाञ्जली भएको उहाँले वताउनुभयो । कार्यक्रममा प्रमुख अतिथि सहितका अतिथिहरुले पनि रक्तदान गर्नुभएको थियो ।

कार्यक्रममा बागमती प्रदेशका पुर्वमन्त्री मिलनवावु श्रेष्ठ, उत्तम जोशी, बागमती प्रदेश सांसद विनु रायमाझी पौडेल, नेपाली काँग्रेस चितवन जिल्ला उपसभापति राजिव न्यौपाने, निवर्तमान सभापति जितनारायण श्रेष्ठ लगायत पार्टीका जिल्ला र वडा तहका नेता तथा कार्यकर्ताको सहभागीता रहेको थियो ।