७ भाद्र २०८१, शुक्रबार १३:३२
चितवन, ७ भदौ ।
तनहुँको आँबुखैरेनी गाँउपालिकास्थित मर्स्याङ्दी नदीमा भएको बस दुर्घटनामा १५ जनाको मृत्यु भएको छ भने १२ जना घाइते भएका छन्। पोखराबाट काठमाडौं तर्फ जाँदै गरेको यूपी ५३ एफटी ७६२३ नम्बरको बस शुक्रबार बिहान तनहुँको आँबुखैरेनीमा रहेको ऐनपहरा भन्ने ठाँउबाट मर्स्याङ्दी नदीमा खसेको हो ।
दुर्घटनामा १५ जनाको मृत्यु भएको आबुखैरेनी इलाका प्रहरी कार्यालयले जानकारी दिएको छ । दुर्घटनामा १२ जना घाइते भएका छन्। उनीहरूको नजिकको स्वास्थ्य संस्था र घटनास्थलमै उपचार भइरहेको छ। स्वास्थ्यकर्मीको टोलीले घटनास्थलमै प्राथमिक उपचार गरिरहेको प्रहरीले जानकारी दिएको छ ।
बसमा भारतीय यात्राी सवार रहेका थिए। बसमा ४० जनाभन्दा बढी यात्रु रहेको अनुमान गरिएको छ। अन्य यात्रुको खोजी भइरहेको छ। घटनास्थलमा नेपाल प्रहरी, सशस्त्र प्रहरी र नेपाली सेनाको टोली साथैै स्थानियवासीले उद्धार कार्य जारी राखेका छन् । दुर्घटनाको कारण खुलेको छैन।
प्रतिकृया दिनुहोस्