चितवन क्षेत्र नं. २ बाट आदिवासी जनजाति तर्फ महाधिवेशन प्रतिनिधिमा पानुमाया तामाङको उम्मेदवारी

---

चितवन: नेपाली कांग्रेसको १५ औं महाधिवेशन (२०८३) को सरगर्मी बढेसँगै विभिन्न पदमा उम्मेदवारी घोषणा र प्रचार-प्रसार तीव्र बनेको छ। यसै क्रममा चितवन क्षेत्र नम्बर २ बाट आदिवासी जनजाति तर्फको महाधिवेशन प्रतिनिधि पदमा पानुमाया तामाङले आफ्नो उम्मेदवारी प्रस्तुत गर्नुभएको छ।
भरतपुर महानगरपालिका वडा नं. ०५ निवासी तामाङ लामो समयदेखि पार्टीको संगठन निर्माण र सामाजिक सेवामा सक्रिय रहँदै आउनुभएको छ। “राष्ट्रियता, लोकतन्त्र र समाजवाद” को मूल मर्मलाई आत्मसात् गर्दै पार्टीलाई अझ सशक्त, समावेशी र गतिशील बनाउन आफ्नो उम्मेदवारी रहेको उहाँले बताउनुभएको छ।
क्षेत्रभरिका नेता, कार्यकर्ता तथा प्रतिनिधिहरूसँग प्रत्यक्ष भेटघाट र संवादलाई तीव्रता दिँदै तामाङले सबैको सहयोग, सद्भाव र अमूल्य मतको अपेक्षा गर्नुभएको छ। आदिवासी जनजाति समुदायको अधिकार, पार्टीभित्र समावेशी प्रतिनिधित्व र क्षेत्रीय विकासका मुद्दाहरूलाई प्राथमिकतामा राखेर अघि बढ्ने उहाँको प्रतिबद्धता रहेको छ।