१० आश्विन २०८३, शनिबार ०८:५३
चितवन । नेपाली काङ्ग्रेस चितवन क्षेत्र नं. ३ मा युवा क्लस्टर (३५ वर्षमुनि )तर्फ महाधिवेशन प्रतिनिधि पदमा युवा नेता प्रविन देवकोटाले उम्मेदवारी घोषणा गरेका छन् ।
वि.सं. २०६४ देखि नेपाल विद्यार्थी सङ्घ (नेविसङ्घ) मा आबद्ध भई राजनीतिक यात्रा सुरु गर्नुभएका देवकोटाले पार्टीमा नवीन सोच, रूपान्तरण र वैचारिक स्पष्टता ल्याउन आफुले उम्मेदवारी दिएको बताए ।
नेविसङ्घ खैरहानी माबिको सचिव र जिल्ला सदस्य हुँदै हाल नेविसङ्घ चितवनको जिल्ला सचिवको जिम्मेवारी सम्हाल्नुभएका देवकोटा लोकतान्त्रिक आन्दोलनहरूमा निरन्तर अग्रपंक्तिमा देखिने युवा नेता हुन् ।
चितवनको विकट क्षेत्र मानिने माडीमा रहेर पनि जिल्ला तहको संगठन विस्तारमा उनको भुमिका महत्त्वपूर्ण देखिन्छ । विभिन्न सामाजिक संघ संस्थामा समेत आबद्ध रहेका देवकोटाले स्थानीय युवा माझ रचनात्मक र बौद्धिक पहिचान बनाएका छन् ।
पार्टीलाई आधुनिक, विचारशील र समृद्ध बनाउन युवा नेतृत्व आवश्यक रहेको भन्दै उनले ३५ वर्षमुनिको क्लस्टरबाट क्षेत्र नं. ३ मा महाधिवेशन प्रतिनिधिका रूपमा उम्मेदवारी दर्ता गराएका हुन् ।
पार्टीभित्र नयाँ ऊर्जा थप्न र युवा पुस्ताको प्रतिनिधित्व बढाउनका लागि सम्पूर्ण अग्रज, समकक्षी तथा शुभचिन्तकहरूसँग अमूल्य सहयोग, आशिर्वाद र मतदानका लागि देवकोटाले अपिल गरेका छन् ।
प्रतिकृया दिनुहोस्