१४ श्रावण २०८३, बिहीबार १०:३०
चितवन। आदर्श नारी विकास केन्द्रको ३५औँ वार्षिक साधारण सभा तथा १५औँ अधिवेशनबाट नयाँ कार्यसमिति सर्वसम्मत तथा निर्विरोध रूपमा चयन भएको छ।
अधिवेशनबाट संस्थाको अध्यक्षमा सजना तिमल्सिना निर्वाचित हुनुभएको छ। त्यसैगरी उपाध्यक्षमा सरिता सुवेदी पाठक, सचिवमा लक्ष्मी रिमाल पौडेल, कोषाध्यक्षमा लक्ष्मी गुरुङ तथा सह–सचिवमा कौशिला खरेल निर्वाचित हुनुभएको छ।
यस्तै, कार्यसमिति सदस्यहरूमा पार्वती खड्का, अनिता बस्तोला, निषा परियार र पार्वती कंडेल सर्वसम्मत रूपमा चयन हुनुभएको छ।
नवनिर्वाचित अध्यक्ष तथा सम्पूर्ण कार्यसमिति पदाधिकारी एवं सदस्यहरूलाई विभिन्न व्यक्तित्व तथा शुभेच्छुकहरूले बधाई ज्ञापन गर्दै सफल कार्यकालको शुभकामना व्यक्त गरेका छन्।
शुभकामना सन्देशमा नवनिर्वाचित नेतृत्वको सक्षम, दूरदर्शी र समर्पित कार्यशैलीबाट संस्थाले महिला सशक्तीकरण, सामाजिक न्याय, मानव सेवा तथा समाज रूपान्तरणका अभियानलाई अझ प्रभावकारी ढंगले अघि बढाउने विश्वास व्यक्त गरिएको छ।
संस्थाको नयाँ नेतृत्वले आगामी कार्यकालमा महिला अधिकार, सामाजिक रूपान्तरण तथा समुदायको समग्र विकासका क्षेत्रमा थप प्रभावकारी कार्यक्रम सञ्चालन गर्दै संस्थालाई नयाँ उचाइमा पुर्याउने अपेक्षा गरिएको छ।
प्रतिकृया दिनुहोस्