२२ जेष्ठ २०८३, शुक्रबार १२:१७
चितवनमा पछिल्ला दिनमा बढेको अत्याधिक गर्मीका कारण जनजिवन कष्ठकर बनेको छ । ४० डिग्री आसपासको तापक्रमका कारण बिशेष गरी विद्यार्थीहरू समस्यामा परेका छन् । विद्यालयमा अध्ययन गर्न कठिनाइ हुन थालेको छ। घाम र अत्यधिक गर्मीका कारण कक्षाकोठामा बस्न असहज हुनुका साथै स्वास्थ्यमा समेत असर पर्ने चिन्ता बढेको छ।
यही अवस्थालाई मध्यनजर गर्दै नेपाल पुलिस स्कुल, शान्तिपुर भरतपुरले एक साताको गर्मी बिदा घोषणा गरेको छ। विद्यालयले जारी गरेको सूचनाअनुसार जेठ २५ गतेदेखि ३१ गतेसम्म बिदा रहनेछ। २३ र २४ गते शनिबार र आइतबार परेकाले विद्यार्थीहरूले लगातार ९ दिन बिदा पाउने भएका छन्।
हाल चितवनसहित देशका विभिन्न जिल्लामा बढ्दो गर्मीका कारण विद्यालय सञ्चालन समय परिवर्तन गर्ने तथा बिदा दिने विषयमा समेत छलफल हुन थालेको छ। स्वास्थ्यकर्मीहरूले अत्यधिक गर्मीमा पर्याप्त पानी पिउन, घाममा लामो समय नबस्न र बालबालिकाको स्वास्थ्यमा विशेष ध्यान दिन आग्रह गरेका छन्।
प्रतिकृया दिनुहोस्