किन नक्कली प्रेग्नेन्सी सुट गरिरहेका छन् चिनियाँ युवतीहरू

---

एजेन्सी, १० पुष ।

हुडी वा नाइट ड्रेसमै अफिस जानेदेखि आफूलाई स्वस्थ राख्न खासै मिहेनत गर्नु नपर्ने तरिका पछ्याउनेसम्म यो वर्ष चीनमा कयौँ कुराको ट्रेन्ड देखियो । यही सूचीमा पछिल्लो पटक नक्कली प्रेग्नेन्सी लुक थपिएको छ । एक चिनियाँ युवतीहरूले गर्भवती फोटो सुटदेखि मातृत्व फोटो सुटसम्म गरिरहेका छन् ।

बिहे नगरीकनै भएको गर्भधारणलाई चिनियाँ समाजमा हेयको दृष्टिले हेरिन्छ । यसैको विरोधमा यो ट्रेन्ड चलेको साउथ चाइना मर्निङ पोस्ट ९एससीएमपी० ले दाबी गरेको छ । चीनमा जन्मदर घटेको र बिहे गर्नेको संख्या कम हुँदै गइरहेको समयमा देखिएको यो प्रवृत्तिले भविष्यमा जन्मदर र बिहे अरु घटाउने हो कि भन्ने चिन्ता बढाएको छ ।

गर्भवती भएको समयमा आफू यस्तो देखिन्छु होला भन्ने अनुमानमा पेटमा भुक्के प्याड हालेर जवान युवतिहरू प्रेग्नेन्सी फोटोशूट गरिरहेका छन् । मध्य चीनको हुनान प्रान्तकी जेन जी इन्फ्लुएन्सर मेइजी गेगेले अनलाइनमा यस्तै एउटा भिडियो शेयर गरेपछि चीनमा यो ट्रेन्ड सुरु भएको थियो । अक्टोबर १३ मा उनले म्याटनिर्टी फोटो सुट गरेकी थिइन् । त्यसपछि चिनियाँ युवतीहरू माझ यो ट्रेन्ड भाइरल भइरहेको छ । एजेन्सी