१९ मंसिर २०८०, मंगलवार २३:०३
चितवन । १९ मंसिर
भरतपुर महानगरपालिका वडा नं ७ का होटल व्यवसायीलाई मर्यादित र अनुशासित बनाउन वडा कार्यालयले आवश्यक पहल गर्ने प्रतिवद्धता व्यक्त गरेको हो ।
वडा नं ७ का वडाध्यक्ष राजेन्द्रमणी काफ्लेले आज आईतबार वडा भित्रको कृष्णपुर क्षेत्रमा रहेका होटल व्यवसायीसँगको अन्तक्रियाका क्रममा यस्तो प्रतिवद्धता व्यक्त गर्नुभएको हो ।
लैङ्गीक हिसां बिरुद्धको १६ दिवसीय अभियानको सन्दर्भमा हाम्रो भरोसा नेपालले आफन्त नेपाल र भरतपुर महानगरपालिकासँगको सहकार्यमा गरेको अन्तक्रिया कार्यक्रममा वडाध्यक्ष काफ्लेले होटल व्यवसायीलाई आवश्यक सुचना र समन्वय गर्न स्थानिय सरकार तयार रहेको उहाँले वताउनु भएको हो ।
हाम्रो भरोसा नेपालको अध्यक्ष सिन्धु ढकालको अध्यक्षता तथा भरतपुर महानरपालिका वडा नं ७ का वडा अध्यक्ष राजेन्द्रमणी काफ्लेको प्रमुख आतिथ्यतामा होटल व्यवसायीहरुसँगको अन्तक्रिया सम्पन्न भएको हो ।
कार्यक्रमको उदेश्यमाथि प्रकाश पार्दै हाम्रो भरोसा नेपालका अध्यक्ष एवम् कार्यक्रमका सभाध्यक्ष सिन्धु ढकालले आन्तरिक वेचबिखन नियन्त्रणका लागी होटल व्यवसायहरु समेत सचेत हुनु आवश्यक भएको वताउनु भयो । मनोरञ्जन क्षेत्रलाई मर्यादित र अनुशासित बनाउन होटल व्यवसायलाई मर्यादित बनाउन आवश्यक भएको वताउनु भयो ।
कार्यक्रममा होटल तथा रेष्टुरेण्ट व्यवसायी संघ चितवनका सस्थापक अध्यक्ष तथा जलदेवी क्यान्सर टोल विकास संस्थाका अध्यक्ष दिपक ढकालले होटल व्यवसायलाई मर्यादित बनाउनका लागी स्थानिय निकायले सरोकारवाला संघसंस्थाले गरेको पहलको प्रसंशा गर्नुभयो । भावी दिनमा अभियानका रुपमा यस्ता कार्यक्रमलाई अगाडि वढाउन आवश्यक भएको उहाँले वताउनु भयो ।
कार्यक्रममा आफन्त नेपालका कार्यक्रम व्यवस्थापक अनिता खड्काले मानव वेचबिखनको अवस्था र कानुनी व्यवस्थाका बिषयमा कार्यपत्र प्रस्तुत गर्नुभएको थिषे । कार्यक्रममा यौनजन्य हिसां बिरुद्धको साझा अभियान चितवनका सह संयोजक संगीता भट्टराई, माईति नेपालका जिल्ला संयोजक ईश्वर गीरी, भरतपुर महानगरपालिका वडा नं ७ का महिला सदस्य अमृता गौतम, आदर्श नारि विकास केन्द्रका सचिव सरिता तिवारी पाठक, पहिचान संजालका जिल्ला संयोजक आयुष्मा केसी, होटल व्यवसायी संघ कृष्णपुर ईकाइका अध्यक्ष वासु गौतम लगायतको उपस्थिति रहेको थियो । कार्यक्रममा होटल व्यवसायी र मजदुरहरुको सहभागीता रहेको थियो ।
प्रतिकृया दिनुहोस्